الجمعة, 29 مارس 2024 | 3:48 مساءً

عمرك سألت نفسك ليه لما بتنام 10 ساعات بتصحى تعبان ولما بتنام 7 ساعات بتصحى أحسن ..؟؟

ببساطة كدة ولغة سهلة إن في الحقيقة النوم مش مجرد أن الجسم بيعمل shutdown زى الكمبيوتر، لا الجسم لما بينام بيخش فى مراحل مختلفة.كل مرة بتظبط المنبه تلاقيه بيقولك فاضل 6 ساعات و51 دقيقه وتقومعمرك سألت هما حاطين الأوبشن أنه هيقولك هتنام كام ساعة مثلا عشان يكدرك، لا طبعاً ..العلماء درسوا ساعات النوم وحطوله قوانين تحكمه عشان يوصلوا لاحسن طريقه نوم.. ركز كده معايا عشان تنام صح. النوم بيتقسم مرحلتين *أولى وثانية * المرحلة الأولى اسمه NREM : يعنى لا يوجد حركة عينالمرحلة التانية : REM يعنى حركة سريعة للعين, لا تركز فى أسمائهم مش مشكلة الأهم إن المرحلة الأولى فيها 4 cycle يعنى 4دورات الدورة الأولى (( 90 دقيقة : ) وديه اللى هو ما بين إنك لسة واعى باللى حواليك وسامع وبين الدخول فى النوم “أنت هنا لسه شبه صاحى” الدورة الثانية 90دقيقة: وديه أنت دخلت فى النوم الحقيقى ، خلاص أنت مبقتش واعى باللى حواليك ودرجة حرارتك بدأت تنزل وضغط دمك ونبضاتك بدأت تنتظم الدورة الثالثة وديه مقسومة ٢ كل واحدة ٩٠ دقيقة : وديه خلاص أنت جسمك استسلم للنوم ومعدل تنفسك بيقل وضغطك بيقل وعضلاتك بترتخى وبيبدأ إفراز الهرمونات النمو وبيبدأ يحصل تصليح لأى مشاكل فى الجسم ” ديه هنا الجسم شغال صيانه داخليه” وديه فتره مهمة جداً المرحلة التانية REM ٩٠ دقيقة :وديه آخر cycle رقم ٥ وهي مرحلة المخ بيبقى فيها active واللاوعى بيسيطر فيها وكأنك شخص تانى بتخش فى أحلام أو كوابيس والمخ بيبدأ يرتب أموره وذاكرته، ديه مرحله السوفت وير وتظبيط الويندوز..هى ديه المرحله المهمه لعقلك وبعدها بتصحى مركز ونشيط بس لازم تاخدها كاملة.. كده أنت فهمت ليه عندنا 5 cycles كل واحده 90 دقيقة ..هدفك أنت تاخد 5 cycle عشان تقوم فريشيبقى 5×90 = 450 دقيقهيعنى ٧ ساعات ونص ..وديه عدد الساعات بالظبط اللى المفروض تنامهم لا اكتر ولا اقل. خد بالك لو حسبت قبل ما تنام ولقيت إنك هتصحى فى نص الـ cycle الفكره إنك تظبطها إنك تصحى بعدها أو قبل ما تخش فيها ، لأن صدقنى لو صحيت فى نص واحدة منهم هتواجه أسوأ أيامك حتى لو نايم ١٠ ساعات.. طبعاً فى الأطفال بيحتاجوا أكتر من ٥ دورات وساعات نومهم ممكن توصل ل ١٧ ساعه فى اليوم ، وده لأنه محتاج يبنى ويطور عقله وكل ده محتاج يعمله وهو نائم..دلوقتى لما المنبه يقولك هتنام كام ساعة إعرف إنها صفقة هتقبلها ولا لا مش مجرد أوبشن ملوش لازمة السمارت فون بيديهالك. الناس الغريبه بقي اللي بيتحدوا الساعات البيولوجية بتاعتهم وقلبوا ليلهم نهار ونهارهم ليل ، مالناش دعوه بيهم وأخيراً حد يقولي أنا بنام ١٢ ساعه عادي وبقوم مش فايق أو مصدع وجسمي مكسر ، أقولك علشان الجسم خلص مرحلة نوم أولي اللي هي ٧ ساعات ودخل مرحله تانية فبقي صعب على المخ الإفرازات اللي عملها للنمو والإرتخاء العضلي إنه يكررها مرتين فبتصحي مش فايق..

التعليقات مغلقة.